Patay ang usa ka 28-anyos nga lalaki human kini gipusil sa wala mailhing duha ka suspetsado samtang naglakaw sa JM Basa Street, Barangay Sawang Calero, Cebu City, pasado alas 5:00 sa niaging hapon.
Giila ang biktima nga si Vincent Payusan Alcazar, residente sa Sitio Wakwak, Sawang Calero. Gidala pa kini sa Cebu City Medical Center apan gideklarar na siyang Dead on Arrival (DOA).
Base sa pasiunang imbestigasyon sa kapolisan, kalit lang mitunga ang duha ka lalaki nga nagsul-ob ug itom nga t-shirt ug jogging pants ug gipusil si Alcazar sa makadaghang higayon.
Human sa pagpamusil, dali usab nga misibat ang mga suspetsado. Padayon pa karon ang pagtuki sa Sawang Calero Police Station sa krimen. Ilahang gisubay ang posibleng motibo sa krimen ug sa sa responsable niini.
Gipangayo usab sa kapolisan ang kooperasyon sa mga residente nga nakakita sa nahitabo aron dali masulbad ang kaso ug maila ang mga responsable sa pagpamusil patay.
📸 CTTO
I via Renante Socia Lada