Usa ka 42-anyos nga lalaki ang namatay human kini pusila sa wala mailhi nga suspek sa Sitio Pajo, Barangay Cansaga, Consolacion, Cebu , niadtong Agosto 2, 2025.
Ang biktima giila sa mga otoridad nga si Alfredo Perater Lumactud, minyo ug residente sa maong dapit. Base sa imbestigasyon sa kapulisan, pasado alas-9:30 sa gabii dihang usa ka concerned citizen ang mitawag sa Consolacion Municipal Police Station aron ipahibalo ang insidente.
Sa pag-abot sa mga pulis sa lugar, ilang naabtan ang biktima nga nagbuy-od sa yuta ug wala nay panimuot. Gidali kini og transport sa tambalanan apan gideklarar nga dead on arrival.
Hangtod karon, padayon pa ang imbestigasyon sa kapulisan aron masuta ang motibo sa krimen ug matumbok ang responsable. Wala pa usab matino ang pagkatawo sa suspek ug walay nakasaksi sa maong pagpamusil.
I via Renante Socia Lada