Naligo sa kaugalingong dugo ang usa ka lalaki human gipusil sa wala matino nga suspetsado.
Didto kini nahitabo sa Sitio Ihawan, Barangay Poblacion, Lungsod sa Sibonga, Sugbo, pasado alas 8:0O kagabii, Septembre 25, 2024.
Ang biktima giila sa Sibonga Police Station na mao si Roderick Hong, 41 anyos ang panuigon, residenti sa maong lugar.
Sa imbestigasyon sa kapulisan nasayran nga ang mamumuno nanuktok sa balay sa biktima dayon pusil sa makaduhang higayon na maoy hinungdan sa iyang kamatayon.
Ang kapulisan nagpalawom pa sa ilang imbestigasyon aron pagsuta kung unsay motibo sa maong krimin ug si kinsa ang nibuhat niini. (Renante Lada and Ting Joe Pepito)