Cebu: Kusog nga pagbaha nasinati sa Sugbo kagahapon

0
18

Grabi nga pagbaha ang nasinati sa siyudad sa Sugbo atol sa kusog nga pagbunok sa uwan kagahapon sa hapon, Septembre 11, 2023.

Nag sugwak ang tubig baha didto duol sa mall ug tunghaan sa Barangay Banilad, siyudad sa Sugbo.

Daghang mga tawo ang na tanggong sa baha ug mga sakyanan nga nalunupan sa tubig.

Samtang sa dakbayan sa Mandaue ubay-ubay ka mga pamilya didto sa Purok Papaya, Barangay Ibabao ang gipang rescue sa mga sakop sa Bantay Mandaue CDRRMO gumikan sa pagsaka sa tubig baha.

Aduna puy 12 ka mga pamilya didto sa Barangay Maguikay, sa siyudad sa Mandaue ang gipa balhin sa tunghaan isip evacuation center tungod sa pag dahili sa yuta daplin sa Butuanon river.

Gawas sa maong lugar daghan pa usab nga area sa dakbayan sa Mandaue ug siyudad sa Sugbo ang nakasinati sa kusog nga tubig dala sa kusog nga uwan.

Nanawagan karon ang mga tawo og konkreto nga solution sa problema sa baha nga halos kada kusog nga uwan grabi usab ang tubig baha. (Renante Socia Lada, photo credits to the owner)

Leave a Reply