Puros nakalas didto sa tambalanan ang bana ug asawa human nadasmagan sa motorsiklo.
Didto kini nahitabo sa Barangay Tayud, Lungsod sa Liloan, Probinsya sa Sugbo, sa nakalabay na alas 12:30 sa kadlawon, Mayo 9, 2023.
Ang mga biktima mao sila si Oscarlito Cabahug, 74 anyos ang panuigon, konsehal sa maong Barangay, ug si Cerinia Cabahug, 72 anyos, retiradong maestra.
Giila usab ang suspetsado nga driver sa motor na mao si Jemon Villegas Monleon, 27 anyos ang panuigon, residenti didto sa Lungsod sa Borbon.
Sa inbestigasyon nga gihimo sa Liloan Police Station, nasayran nga ang bana ug Asawa gikan sa usa ka Seniors’ Night sa maong Barangay.
Sa pag uli na nila nitabok kini sa karsada na wala nabantayi sa ni Monteleon.
Sa kakusog sa dagan sa Sniper 150cc nakahiagom og grabing bun-og sa lawas ug ulo ang mga biktima na maoy hinungdan sa ilang kamatayon.
Sa pagkakaron oadayong gitanggong ang suspetsado og giandam na usab ang tukmang kaso niini.
via Renante Lada
