Nahimong madugu-on ang adlaw sa mga mamumuo human nikalas og usa ka kinabuhi ang nabitabong karambola sa mga sakyanan didto kini nahitabo sa Barangay Poblacion, Lungsod sa Compostela, Probinsya sa Sugbo, pasado alas 12:55 sa hapon, Mayo 1, 2023.
Ang nakalas nga driver sa motor mao si Anthony Pino Genson, 23 anyos ang panuigon, residenti sa Brgy. Day-as, Lungsod sa Cordova.
Sa imbestigasyon nga gihimo sa Compostela Police Station, nasayran nga Genson sakay sa usa ka motorsiklo nga kalit ni liko sa naasoy nga lugar.
Nadasmagan kini sa nagsunod kaniya nga usa ka himo truck nga gimaniho ni Julian Baran Sontouisidad, 39 anyos ang pangidaron, taga Lungsod sa Daan Bantayan Sugbo.
Nawad-an sa kontrol sa gimaniho na motorsiklo si Genson og ni resulta nga pagkabangga niini sa laing motorsiklo na gimaniho ni Juvi Tayong Marikit, 26 anyos ang pangidaron. Gisulayan sa pagdala sa tambalan ang biktima apan nabug gyud sa kinabuhi kini.
Dugang imbestigasyon ang gihimo karon sa kapulisan may labot sa maong aksidenti na nikutlo og usa ka kinabuhi. (Renante Lada, photos credits to the owner)