Way natalang individuals nga naangol sa nahitabong pagka collapse sa karaang White Gold Building, kagahapon pasado alas 5:00 sa hapon, ang maong building nahimutang sa General Maxilom Avenue ug Bonifacio St. Dakbayan sa Sugbo.
Matod ni Harold Alcontin, pangulo sa Cebu City Disaster Risk Reduction Management Office nga way naangol o nakalas sa pagka hugmak sa karaan nga building sa White Gold.
Diin ang mga trabahanti sa pribado nga kumpanya nga maoy nagdemolish sa maong building luwas ra kining nakagawas.
Mahinumduman nga ang maong building sa White Gold nasunog niadtong dekada 90 ug bag-uhay lang kini gisugdan sa pag bungkad aron sa laing proyekto.
Atol sa maong panghitabo kagahapon daghan ang nalisang sa pagka hugmak sa maong building kay nakurat sila sa kusog nga lagapak. (Renante Lada, photo courtesy by Csert77)