Lain na usab nga kalampusan ang nakab-ot sa Police Regional Office (PRO-7) diin nikabat sa 448 ka nga suspetsado sa nagkadaiyang illegal na binuhatan ang ilang nasikop sulod lang sa duha ka adlaw.
Sugod atong Nobyembre 16 hangtod 17, 2023, duha ka adlaw nga anti-criminality operations ubay- ubay ang nahulog sa ilang mga kamot tibuok rehiyon.
Nikabat usab sa P12.5 milyon nga balor sa ginadiling drugas nga may timbang nga 1,838.81 grams ang ilang nasakmit. Lakip nga nasakmit ang mga marijuana ug illegal nga armas sa nagkadaiyang individuals.
“Our campaign against all forms of criminality will continue with even more resolve and enthusiasm. This is one key ingredient in delivering a safe and secured Central Visayas”, pamahayag ni PBGen Anthony Aberin.
Sa pagkakaron puros na giandam ang tukmang kaso batok sa mga suspetsado nga nakalapas sa balaod. (Renante Lada)
(News & photo courtesy of PRO-7)
