Nagpinirmahay na kagabii, Mayo 27, 2024, sila si Cebu Gov. Gwen Garcia ug ang tri-cities mayors sa Sugbo, didto sa buhatan ni Cebu Gov. Garcia, sa usa ka Memoramdum of Collaboration (MOC), para sa Palarong Pambansa 2024, karong umaabot Hulyo.
Si Gov. Gwen nipirma sa MOC uban nila ni Cebu City Acting Mayor Raymond Alvin Garcia, Mandaue City Mayor Jonas Cortes, ug Lapu-Lapu City Mayor Junard Chan.
Gisaksihan usab kini nila ni Cebu City Councilors James Anthony Cuenco, Renato Osmeña Jr., ug Jerry Guardo; Board Members Glenn Anthony Soco ug Red Duterte; ug DepEd 7 regional director Salustiano Jimenez.
Ang Palarong Pambansa 2024, gilauman nga salmutan kini sa dili mominos 12,00O ka mga tinun-ang atleta nga nagagikan sa 17 ka rehiyon sa nasud, lakip ang ilang mga coach ug mga kaubanan.
Nipakita usab og dakong suporta ang mga mayor sa maong dula arong mas mulambo pa ang turismo sa Sugbo diin ang tibuok probinsya sa Sugbo mulambo ang ekonomiya ug magkahiusa. (Renante Socia Lada)