Nagtingkagol karon sud sa prisuhan ang usa ka Port Police human nagpabuto sa iyang armas de fuego kay nasubraan sa kahubog.
Nahitabo kini pasado alas 12 kaganihang tungang gabii,September 6,2022, didto sa Arellano Boulevard,Barangay San Roque,Siyudad sa Sugbo.
Ang suspetsado giila sa kapulisan nga si Captain Adulfo Abrigana Jr.,47 anyos ang panuigon,menyo, ug residenti sa Dakbayan sa Talisay.
Sumala sa kapulisan sa Waterfront Police Station nga si Abrigana Jr. gireklamo sa kapitan sa maong Barangay kay nagpabuto kini sa iyang 9mm service fire arms sud sa tulo ka higayon.
Dugang sa kapulisan na posibling ang panagbangi sa iyang kaipon maoy hinungdan nga nagmaoy kini dayon nagpabuto sa iyang armas.
File Photo
I via RSL