Atol sa gihimo nga dry run kagahapong adlawa Abril 14, 2024 sa gibutang nga Rotunda sa dakbayan sa Mandaue didto sa intersection sa UN Avenue ug DM Cortes Street, tiilan gyud sa Marcelo Fernan Bridge sa siyudad sa Mandaue adunay nakita si Gov. Gwen Garcia nga angayan palambu-on.
Sa maong inspection gitambungan usab kini ni Mandaue City Mayor Jonas Cortes, Congresswoman Daphne Lagon sa ika-unom nga distrito, Congresswoman Rhea Gullas sa unang distrito , inubanan usab sa taga DPWH ug Traffic Enforcement Agency of Mandaue (TEAM).
Nakita sa Gobernador nga angayan palapdan ang karsada para sa dako nga Rotunda ug ibalhin kini paingon sa D.M. Cortes St., aron ang yuta nga gipanag-iya sa siyudad magamit.
“Gov. Gwen will meet owners of the affected lots in the area, telcos, and utility firms whose structures fall within the roundabout area to discuss terms on how they can help make the system work,” matod sa PIO sa Sugbo.
Dugangan ug palig-unon usab ang pagpatuman sa information drive, lakip ang pagbutang og mga signages sa dili pa maabot sa Rotunda aron malikayan ang grabing kahuot sa trapiko.
“The roundabout, like the one at Fuente Circle, will rid the road of traffic lights and allow vehicles to continuously move in one direction around the rotunda in a bid to address traffic congestion in the area,” dugang pa sa PIO sa Sugbo. (Renante Lada)
(Source: Sugbo News/PIO)
