Patay ang usa ka sakop sa LGBTQIA+ community sa nahitabong pagpamusil pasado alas 2:00 sa kaadlawon niadtong Huwebes, Nobyembre 7, 2024, didto sa Sitio Chicago, Barangay Duljo Fatima, dakbayan sa Sugbo.
Nakaangkon og daghang samad pinusilan sa ulo ug ubang bahin sa lawas ang biktima nga giilang si Wendolyn, 32-anyos, residente sa lugar.
Matod sa Mambaling Police Station, nakadawat sila og taho nga adunay nahitabong pagpoamusil s amaong lugar nga dali nilang gi respondiha.
Pag abot sa kapulisan naligo na s akaugalingong dugo ang biktima nga daghang samad pinusilan sa ulo ug kalawasan.
Gilusad sa kapolisan ang hot pursuit operation batok sa nag-unang suspek nga giila lang sa pangalan nga βAlyas Jason,β uban sa laing duha ka mga tawo nga gituohang nalambigit sa krimen. Gisusi pa sa mga otoridad ang motibo sa pagpamusil.
Ang lokal nga LGBTQIA+ nga komunidad anaa sa pagbangotan human sa makalilisang nga pagkawala, tungod kay daghan ang nagpahayag sa kasuko sa walay hinungdan nga buhat sa kapintasan.
Awhag sa mga otoridad ang bisan kinsa nga adunay kasayuran bahin sa mga suspek nga moduol aron motabang sa imbestigasyon ug mahatagan og hustisya ang biktima.
Gipasalig sa kapulisan nga padayon ang ilang paningkamot aron masikop ang mga suspek ug masusi ang posibleng motibo sa krimen. (Renante Socia Lada and Ting Joe Pepito)