Balik karon sa prisuhan ang usa ka ex-convict human nasikop sa gipahigayon na buy-bust operation sa kapulisan sa Regional Police Drug Enforcement Unit sa PRO-7.
Lunes sa gabii, Enero 22, 2024, gipahigayon ang maong operation didto sa Cabahug Street, Barangay Mabolo, siyudad sa Sugbo.
Ang suspetsado naila nga mao si Harold Domen Yu, alyas Jono, 41 anyos ang panuigon, lumad na taga Negros Occidental ug kasamtangan nagpuyo sa maong lugar.
Nakuha sa position ni Yu ang mga binultong shabu na adunay street value na P6.8 milyon.
Si Yu naprisu kaniadtong tuig 2011 sa kasong kalapasan sa R.A 9165 kon Comprehensive Dangerous Drugs Act of 2002, didto sa New Bilibid Prison, sa Muntinlupa City ug nakagawas sa tuig 2016 human naka availed sa probation.
Sa sunod-sunod na surveillance nasayran na ang suspetsado maoy nagdumala sa negosyo sa illegal na drugas sa iyang igsuon na napriso didto sa Abuyog Penal Colony, Abuyog Leyte.
Matod pa na ang dinakpan makabaligya og usa ngadto sa duha ka kilo na shabu matag semana.
“With the guidance of the BIDA Program of SILG Atty. Benjamin Abalos Jr., and the 5-focused agenda of the PNP, we will continuously work with the responsive community in Central Visayas in the pursuit of big-time drug personalities to eliminate the drug menace in Central Visayas”, matod pa ni PBGen Anthony Aberin. (Renante Lada, photo courtesy of PRO-7)
