Cebu City – Gipasalig sa Cebu Emergency Operation (EOC) nga walay mahitabong lockdown sa syudad human sa Mayo 9, 2022 elections.
Gibutyag ni Councilor Joel Garganera, deputy chief implementer sa EOC, sa press conference, Biyernes, Mayo 6, 2022, nga ning tungora ang syudad naa sa peak health sukad sa pandemic.
“No lockdown after the elections. We are 100 percent sure of that,” pasalig ni Garganera. ”
Kataposang mipatuman ug granular lockdowns ang dakbayan niadtong pang Agosto 2020.
Matod sa konsehal nga hapit na mag duha ka tuig, pero wala pa gihapon maka dungog ug balita nga sama niana.
Sa Mayo 6, 2022, walay bag-ong kaso sa COVID-19 ang natala gikan sa 338 nga tested individuals; nagpa kunhod sa active case sa syudad ngadto sa 27.
“Stop spreading that rumor. It would be better if we enjoy being under Alert Level 1 status because we all worked hard for this,” mensahi sa konsehal.
Nagkanayon ang konsehal nga basin ug gitandi ang Philippine Elections niadtong 2021 Indian elections, nga naka mi resulta sa pagsaka sa mga kaso human gyud sa piniliay.
Hinoon, alang ni Garganera nga ang vaccination status sa syudad taas na, diin mayoriya sa adults apil na ang minors above 5 years old, nabakunahan na.
Kini nagpasabot nga ang populasyon mas protektado batok sa COVID-19, ug nagpa ubos sa risgo sa impeksyom nga mamahimong mosangpot sa grabeng sakit o komplikasyon.
Sa samang rason, nagtoo ang EOC nga walay kahadlukan sa laing massive spike sa gidaghanon sa mga kaso nga mag hulga ug subling lockdown.
Sukad sa pagsugod sa campaign period pagka Marso 25, 2022, nabantayan ni Garganera nga walay pagsaka sa mga kaso.
Gani, nagsige ug ubos ang mga kaso.
Kini bisan pa man sa dinagkong political gatherings nga gipahigayon sa syudad sa lain-laing political parties ug national candidates.
Basi sa trend, dili kini maka ingon nga dunay significant nga epekto sa sitwasyon sa COVID-19.
Dugang ni Garganera nga ang healthcare sector nangandam sa bisan unsang pagsaka ug daan nang nag stock ug mga tambal sa higayon nga dunay laing outbreak nga moigo.
Sigon pa sa konsehal nga naa na kini sa katawhan ang pag maintain sa kasamtangan nga trend.
Basta lang nga magpadayon ang pagsunod sa health protocols, suma pa sa konsehal nga way angay kabalak an nga laing outbreak o lockdown.
Pahimangno sa EOC ngadto sa publiko ang padayon nga pagsul-ob sa face mask sa publiko, regular nga pag disinfect, pag maintain sa social distancing kung mahimo atol sa election. (Jhon Tadlip)
(News & photo courtesy of Emergency Operations Center-Cebu City)
