Gumikan sa way hunong na kampanya batok ginadiling drugas naka ani na usab og laing kalapusan ang Police Regional Office 7 atol sa Bonifacio Day.
Usa ka buy-bust operation ang gilusad sa kapulisan kagahapong adlawa, Nobyembre 30, 2023, didto sa Brgy. Mambaling, siyudad sa Sugbo.
Ni resulta kini sa pagka sikop sa usa ka big-time drug pusher na mao si Hazel Barrera, 28 anyos ang panuigon, residenti sa naasoy na lugar ug pagka recover sa mga ebedinsya.
Kapin sa kilo sa gituhang shabu ang nasakmit na may timbang nga 1,008 gramos ug street value na PhP6,854,400.00.
“With SILG Atty. Benjamin Abalos Jr.’ BIDA Program and 5-Focused Agenda of the PNP, PRO7 will intensify its intelligence-driven and impactful operations, enhance inter-agency collaboration, and make Central Visayas a shining example of peace, harmony, and order for all,” pamahayg ni PBGen. Anthony Aberin, Regional Director, PRO7.
Sa pagkakaron giandam na ang tukmang kaso batok sa suspetsado ug padayon pa usab na gisuta kung si kinsa nag tig supply sa ginadiling drugas sa dinakpan.
(Renante Socia Lada, photo courtesy of PRO-7)
