Nikabat og 5 ka oras ang pakig kumbati sa kabomberohan sa nahitabong sunog didto sa Grand Residences, nahimutang sa Barangay Kasambagan, Siyudad sa Sugbo, kagahapon Abril 14,2023.
Ang alarma sa sunog nadawat sa kabomberohan alas 2:39 sa hapon ug na under control kini pagka 7:5O kagabii, ubos sa Task Force Bravo.
Ang tower 4 condotel adunay 37 ka mga andaman nga nakasinati og kalisud ang mga ni respondi nga mga bombero.
Lakip usab nga nitabangan a g mga kabomberohan sa mga silinganan nga Dakbayan.
Sa pasiunang imbestigasyon nga gihimo ni SFO3 Wendell Villanueva nga gituhuang nagsugod ang sunog sa welding nga nikuyanap sa ubang andana.
Walay gikatahong naangol sa maong sunog gumikan kay nagladayon pa ang pagtukod niini.
Adunay gi bana-bana nga danyos nga P3.9 bilyon sa naasoy nga sunog sa condotel.
Sa pagkakaron gihimo pa ang dugang imbestigasyon sa nahinatabong sunog. (Renante Lada, photo courtesy of BFP R7 Cebu City Fire Station)