Hapit ₱1.4 milyon ang kantidad sa gituohang shabu nga nasakmit sa usa ka 38-anyos nga lalaki sa usa ka buy-bust operation sa Sawang Calero, Cebu City, niadtong Disyembre 28, 2025.
Ang operasyon gipangulohan ni PCPT Giann Karlo M. Reyes, hepe sa Sawang Calero Police Station 6, didto sa Blk 6 sa maong barangay ang suspetsado nga nagdala ug 200 gramos nga shabu, nga gibutang sa usa ka sling bag. Lakip sa nadakpan ang buy-bust money.
Base sa imbestigasyon, ang suspek giila nga high-value newly identified individual. Siya nag-atubang karon sa kasong pagpamaligya ug paghupot sa ginadiling drogas ubos sa RA 9165 o Comprehensive Dangerous Drugs Act of 2002.
Miila si PCOL George V. Ylanan, Officer-in-Charge sa Cebu City Police Office, sa kahago sa Sawang Calero Pulis ug nipasalig sa publiko nga padayon ang ilang kampanya batok iligal nga drogas ug kriminalidad.
Ang operasyon usa sa mga lakang sa PRO7 ug CCPO aron mapalig-on ang seguridad sa dakbayan ug mapanalipdan ang mga residente.
Source: CCPO
I via Renante Socia Lada