Nasikop sa Sawang Calero Police Station 6 ang duha ka lalaki nga construction worker, usa ka 24 anyos ug ang usa 35 anyos atol sa operasyon sa kapulisan niadtong Disyembre 2, 2025 sa L. Flores Street, Barangay Pasil, Cebu City.
Gikan sa 24 anyos nga suspetsado, nakumpiskar ang .38 caliber revolver nga adunay duha ka bala. Samtang nakit-an usab sa duha ang nagkadaiyang pakete sa gituohang shabu nga mukabat og ₱38,420 ang balor ug adunay gibug-aton nga 5.65 gramos.
Kasamtangan nga gibutang sa kustodiya sa Sawang Calero Police Station ang duha ka suspetsado. Sila makasuhan sa RA 10591 alang sa iligal nga pagpanghupot og armas ug RA 9165 alang sa iligal nga drogas.
Gidayeg ni CCPO OIC PCOL GEORGE V. YLANAN ang mga polis sa Sawang Calero sa ilang paspas ug epektibong operasyon. Iyang gisiguro sa publiko nga padayon ang hugot nga kampanya sa kapulisan batok kriminalidad ug iligal nga drogas sa dakbayan.
Source: CCPO
I via Renante Socia Lada