Nagpasaka og kaso ang Police Regional Office 7 (PRO7) batok sa duha ka indibidwal nga gikatahong nagpakaylap og “fake news” pinaagi sa Facebook ug TikTok. Ang kaso gipailawom sa Cybercrime Prevention Act of 2012 ug gisumite sa Prosecutor’s Office niadtong Abril 3, 2025.
Ang mga kapulisan sa Cebu City ug Mandaue City, kauban ang Regional Anti-Cybercrime Unit 7, nagtinabangay sa pagpresentar sa digital evidence nga nagpalig-on sa kasong paglapas sa Article 154 sa Revised Penal Code o ang “Unlawful Use of Means of Publication and Unlawful Utterances”, may kalambigitan sa Section 6 sa Republic Act No. 10175.
PBGen Redrico A. Maranan, Regional Director sa PRO7, mipasidungog sa kaimportante sa maong kaso.
“The dissemination of false information on social media is a serious offense that undermines public trust and safety. PRO7 is committed to identifying individuals involved in such activities for immediate legal actions. Convictions for such offenses can result in penalties of imprisonment for up to 12 years”, segon ni PBGen. Maranan.
Giawhag ni PBGen Maranan ang publiko nga magmatngon ug magpakaresponsable sa ilang online interactions. Gisiguro usab sa PRO7 nga magpadayon ang cyber patrolling aron mapugngan ang pagpakaylap sa fake news sa internet.
Source: PRO7- PIO
I via Renante Socia Lada