Nikalas og duha ka kinabuhi ang aksidenti sa kadalanan sa sayong kadlawon.
Didto kini nahitabo sa A.S.Fortuna Street, Barangay Banilad, Siyudad sa Sugbo, kaganihang alas 3:00 sa kadlawon, Pebrero 24,2023.
Ang mga nakalas giila sa kapulisan sa Mandaue City Police Office nga sila si Samanta Cruz, 21 anyos a g panuigon ug Rina Rose Fueco 23 anyos, usa ka call center agent.
Anaa usab sa kritikal nga kahimtang si Kent Rico Bercede 23 anyos, driver sa bigbike.
Sa imbestigasyon nasayran nga si Bercede ug Cruz luwan sa usa ka bigbike sa dihang ilang nabanggaan si Fuenco.
Dugang imbestigasyon ang gihimo karon sa kapulisan sa nahitabong aksidenti nga nikutlo og duha ka kinabuhi. (Renante Lada)