Nadugangan na usab ang nakalas sa dakbayan sa Mandaue tungod sa dengue, kana maoy gibutyag ni Dr. Debra Marie Catulong, pangulo sa Mandaue City Health Office.
Sa bulan sa Septembre nikabat na sa 520 ang kaso sa dengue diin upat niini ang nakalas sa duha lang ka semana ang nakalabay.
Ning bag-o lang 12 anyos ug 15 anyos ang nakalas, samtang sa niaging bulan kapin sa tuig ug 31 anyos ang namatay sa mao ra nga hinungdan.
Ang kagamhanan sa dakbayan sa Mandaue nihimo na usab og mga lakang pagpakgang sa dengue virus sa siyudad.
Awhag sa taga DOH-7 sa publiko nga kung mag balik-balik ang hilanat e kunsulta kini dayon sa Doktor aron masusi kung aduna ba kini dengue.
Gipahimangnuan usab ang tanan nga kanunay manglimpyo sa palibot aron dili makapangitlog ang mga lamok na magdala og dengue.
I via Renante Lada