Nagmalampuson ang mga sakop sa Cebu Drug Enforcement Unit sa Cebu City Police Office sa usa ka buy-bust operation.
Pasado alas 2:00 kagahapon sa hapon, Hulyo 22, 2023, didto sa Barangay Ermita, siyudad sa Sugbo.
Ang suspetsado nga dinakpan giila sa kapulisan nga mao si Rudolf Cabigon Aguilar, 21 anyos ang panuigon, residenti rapud sa maong lugar.
Nakuha sa iyang position ang mga binultong shabu nga adunay timbang nga 775 grams ug street value nga P5.2 milyon.
Sa inbestigasyon sa kapulisan si Aguilar maoy nisunod sa negosyo sa ginadiling drugas sa iyang ugangan nga bag- o palang nadakpan sa susama usab nga negosyo.
Gi konsiderar sa kapulisan ang dinakpan nga usa ka high value induvidual (HVI) gumikan sa kadaghan sa shabu nga iyang mabaligya.
Sa pagkakaron giandam na ang tukmang kaso batok sa dinakpan ug sutaon usab kung si kinsa ang tig supply niini. (Renante Lada, photo courtesy of CCPO)