Cebu: Dili muminos sa 20 ka mga pasahero ang nangaangol sa disgrasya sa sakyanan didto sa lungsod sa Argao

0
4

Wala kaabot sa ilang padulngan ang mga sakay sa usa ka mini bus human nakasugat og disgrasya sa kadalanan.

Nahitabo kini pasado alas 2:00 kagahapon sa hapon, Nobembre 9, 2023, didto sa Sitio Lala-an, Barangay Bulasa, lungsod sa Argao, probinsya sa Sugbo.

Sa inbestigasyon nga gihimo sa Argao Municpal Police Station nasayran nga ang usa ka mini bus gimaniho ni Lawrence Goopio, 25 anyos ang panuigon.

Nikabat sa 24 ka mga tawo ang nangaangol lakip ang driver ug mga pasahero niini.

Sa nasayran nga gikan sa siyudad sa Sugbo ang mga biktima paingon sa lungsod sa Boljoon aron mangaligo kay adunay nagsaulog sa adlaw nga natawhan.

Sa kakusog sa pagpadagan  sa driver sa  maong sakyanan nawad-an kini sa kontrol og na tumba nga ni resulta sa pagkaangol sa mga sakay niini. (Renante Lada, photo credits to the owner)

Leave a Reply