Cebu City – Gihulagway ni Department of Interior and Local Government (DILG) Secretary Eduardo Año nga “no legal basis and defective” ang ordinansa nga gipasar sa Cebu Provincial Government nga nag rationalize sa pagsul-ob ug face mask nga optional diha sa open ug well-ventilated areas sa probinsya sa Sugbo.
Gibutyag ni Año nga iyang gikonsulta ang iyang legal team alang sa ilang legal nga lakang batok ni Cebu Governor Gwendolyn Garcia ug sa iyang mando sa paglibkas sa mandatory nga pagsul-ob ug face mask sa probinsya.
“The EO ( Executive Order) 151 of PRRD ( President Rodrigo Roa Duterte) and IATF ( Inter-Agency Task Force) guidelines shall prevail over the EO of [Governor] Garcia and the ordinance passed by the Cebu Provincial Council,” pasabot ni Año.
“The ordinance has no legal basis and considered defective because it is not only consistent but contradicts national policies embodied in EO 151, EO 168 and IATF guidelines,” dugang ni Año.
Ang EO 151 nagtugot sa nationwide nga pagpatuman sa Alert Level Systems sa Covid-19 response basi sa pag-rekomenda sa IATF, gipirmahan ni Duterte Nobembre 11, 2021.
Highlight sa IATF resolution ang maintenance sa Minimum Public Health Standards (MPHS), pinasubay sa Department of Health Administrative Order no. 2021-0043, nga naglakip sa mandatory nga pagsul-ob ug face mask, labi na sa pampublikong lugar ubos sa Alert Level 1 hangtud sa 5.
Niadtong Martes, Hunyo 14, gipasar sa Cebu Provincial Board ang ordinansa nga nag adopt sa EO 16 ni Garcia, nga nag rationalize sa pagsul-ob sa face mask, ug naghimong optional o dili mandatory ang pagsul-ob diha sa mga lugar nga open ug well-ventilated.
Sukwahi kini sa protocols nga gilatid sa IATF pagpakgang sa pagkatap sa coronavirus disease 2019 (COVID-19).
Sa iyang bahin gibarugan ni Garcia ang iyang EO, bisan sa mga pagsuway sa mga concerned officials sa goberno ug ang risgo sa posibling pag reprimand sa DILG.
Human sa pag-issue ni Garcia sa EO 16, niadtong Hwebes, Hunyo 9, mimando si Añon sa kapulisan sa pagpadayon sa pagdakop o pag aresto sa, kung gikinahanglan, niadtong wala magsul-ob ug face mask sa pampublikong lugar sa probinsya.
Ang DOH sayo niana nagkananayon nga dili pa pahanon sa nasud paglibkas sa mandatory nga pagsul-ob ug face mask labi na nga daghang mga kaso sa highly transmissible nga Omicron Sub variant ang na detect sa nasud nga mahimong mo resulta sa pagbalik sa mga kaso sa Covid-19. (Jhon Tadlip)
(News & photo courtesy of DILG | Cebu Provincial Government)
