Cebu City – Gimandoan ni Department of Interior and Local Government (DILG) Secretary Eduardo Ano ang kapulisan sa pagpadayon pag “confront, apprehend and arrest” sa tanang mga violators sa minimum public health standards nga naglakip sa mandatory nga pagsul-ob ug face mask sa pampublikong lugar basi sa gilatid sa Inter Agency Task Force labi na sa lalawigan sa Sugbo.
Sa giluwatan nga statement, Hunyo 10, 2022, matod ni Sec, Eduardo M. Ano nga ang kapulisan “will continue to confront, apprehend, and arrest if necessary, sa tanang mga violators sa IAFT Guidelines ug MPHS sa lalawigan sa Sugbo.
Gihimong basehan ni Ano ang kamandoan sa presidente nga ipadayon ang pagsul-ob sa face mask gawas sa mga sirkumstansya nga gilatid ubos sa Inter-Agency Task Force on Emerging Infectious Diseases (IATF-EMID)
Matod ni Ano nga ang kasamtangan nga IATF protocols nagtugot lang sa mga specific instances kanus-a makahubo sa mask, sama sa higayon nga mokaon, diha sa certain well-ventilated nga sports ug activities.
Gipasabot niini nga ang pagsubay sa minimum public health standards (MPHS) maoy yawe sa pagsumpo sa pandemic u gang pagsul-ob ug face mask, lakip na ang vaccination ug boosters nakatabang sa pagpa ubos sa COVID-19 case counts bisan sa detection sa bag-ong mga subvariants.
Gisandigan sa opisyal ang scientific evidence worldwide nga magmatuod nga ang pagsul-ob ug face mask maka menus sa transmission dili lang sa COVID-19, apil na sab ang ubang infectious ug respiratory diseases, lakip na ang Monkeypox, kung makasud kini sa nasud.
“The Department wishes to remind the public and all Local Government Units that the COVID-19 virus is still present and the pandemic is not yet over. Individuals can still catch the virus, most especially our senior citizens and vulnerable population. We should therefore be vigilant, continue our adherence to all MPHS and get vaccinated or boosted immediately,” pahinumdum sa DILG.
“Hence, this Department does not recognize the Executive Order issued by Cebu Governor Gwen Garcia because we have the IATF Guidelines approved by the President. The Philippine National Police will continue to confront, apprehend, and arrest, if necessary, all violators of IATF Guidelines and MPHS in the Province of Cebu,” pahibaw sa departamento.
Desisyon sa Syudad sa Sugbo ug Mandaue sa face masl
Pagsul-ob ug face mask sa well-ventilated ug open space sa syudad sa Sugbo pabilin nga gi require, gumikan kay misupak si Cebu City Mayor Michael “Mike” Rama pag adopt sa Executive Order ni Cebu Governor Gwendolyn Garcia.
Matod ni Rama nga dako ug kalahian ang sitwasyon sa syudad ug sa probinsya.
Gipasabot sa mayor nga ang geographic situation sa syudad nga miresulta sa pagsikit sikit sa populasyon, labi na sa lowland area.
“It does not mean, that in the future we will not get into having the leniency and the liberality with the face mask requirement,” matod ni Rama.
Gidugang ni Rama nga gikinahanglan sab niya nga i discuss ang maong butang sa convergence meeting pagkuha sa ubang huna huna sa mga nagkalain-laing stakeholders sa syudad.
Sa syudad sa Mandaue, gipahibaw ni Atty John Eddue Ibanez, chief of staff ni Mandaue City Mayor Jonas Cortes nga pabilin nga gipatuman ang pagsul-ob ug face mask.
Tungod kay, matod ni Ibanez nga ang palisiya gi basi kini sa ordinansa nga bugtong ang Sangguniang Panglungsod lang ang maka amenda.
Ang ordinansa sa syudad no. 15-2020-1531 nag penalize niadtong masakpan nga dili magsul-ob sa ilang face mask o dili matarong pagsul-ob sa pampublikong mga lugar.
Maka multa ang mga makalapas sa kantidad nga ₱ 5,000.
Niadtong Huwebes, Hunyo 9, gilibkas sa Cebu provincial government ang mandatory nga pagsul-ob ug face mask sa mga open ug outdoor spaces. (Jhon Tadlip)
(Source: DILG, respective LGU, photo courtesy by Jhon Tadlip)
