Gisiguro sa Cebu Police Provincial Office (CPPO) nga ang tanan nakumpiskar nga iligal nga pabuto ug pyrotechnic devices husto ug luwas nga ma-turnover sa Police Regional Office 7 (PRO7).
Gipanguluhan ni PCPT Michael John J. Bañes ug sa Provincial Operations Management Unit ang pag-load sa nakumpiskar nga mga pabuto para sa opisyal nga turnover sa PRO7 Headquarters, ubos sa liderato ni PCOL Abubakar Udang Mangelen Jr.
Gisiguro sa maong aktibidad nga ang tanang nasakmit nga butang husto ang inventory, segurado ang pagdala, ug luwas nga na-transport sumala sa mga pamaagi. Kini kabahin sa padayon nga kampanya sa CPPO batok sa iligal nga pagbaligya, distribusyon, ug paggamit sa pabuto.
Pinaagi sa inisyatiba, gipakita sa Cebu PPO ang ilang dedikasyon sa seguridad sa publiko, disiplina ug proteksyon sa komunidad gikan sa kadaot ug aksidente nga mahitabo tungod sa pabuto.
Source: CPPO
I via Renante Socia Lada