Cebu City – Gibutyag sa opisyal sa Commission on Election (COMELEC) office sa syudad sa Mandaue nga naa na sila sa 80 porsento sa ilang preparasyon alang sa Mayo 9, 2022 elections.
Gitakda nilang ideliver ang mga vote counting machines (VCMs) ngadto sa mga clustered precincts alang sa final testing ug sealing.
Gipahibaw ni Evelyn Cueva, Mandaue City election assistant nga naa na silay kompletong lista sa mga voters ug ubang election paraphernalia sama sa 321 ka mga VCMs nga gi deliver ngadto kanila gikan sa Comelec central office sa Manila.
Dugang niini nga ilang ihatud ang mga VCMs ngadto sa mga eskwelahan nga gigamit isip clustered precincts karong Mayo 4, pagpangandam alang sa final testing ug sealing karong Mayo 5.
Nagkanayon si Cueva nga naghuwat sila sa pag abot sa official ballots nga gamiton alang sa Mayo nga piniliay.
Sigon pa niini nga ihatud ang mga balota gikan sa Manila Abril 30 ug i-distribute kini pinaagi sa Mandaue City Treasurers Office.
Ang dakbayan sa Mandaue dunay 324,581 ka mga registered voters nga gi assign sa 321 ka mga clustered precincts sa Mayo 9 elections.
Giawhag ni Cuevas ang mga botante pag exercise sa ilang katungod sa pagboto ug kinahanglang mosayo sila sa ilang precints.
Dugang niini nga kadtong mga botante sa Mandaue nga nagkinahanglan ug assistance pagpangita sa ilang clustered precincts, mo dritso sa Comelec Mandaue City Offce ng nahimutang loyo sa Mandaue City Sports and Cultural Complex o pinaagi sa ilang official Facebook page. (Jhon Tadlip)
(News & photo courtesy of Mandaue City Comelec)
