Nisaad karon si Cebu City Mayor Michael Rama na muhatag og 16 ka mga brand new na sakyanan sa tanang public school districts sa siyudad sa Sugbo.
Segon sa Cebu City Public Information Office sa Cebu City Hall na gipamahayag kana ni Mayor Rama atol sa pag apod-apod sa 1,5OO ka mga smart television sa tanang pangpublikong tunghaan sa dakbayan sa Sugbo.
Gibutyag ni Remus Mariñas, Cebu City Public Schools Teachers Association President na adunay 16 districts diin 8 sa north ug 8 usab sa south congressional districts.
Gitataw sa Mayor na dako kaayo og tabang ang mga service vehicle sa mga nagkadaiyang kalihukan sa tunghaan ug pag hatod sa mga school items.
Gilauman kining matuman human unya sa diskusiyon didto sa konseho. (Renante Lada)
(News & photo courtesy of Cebu City PIO)