Ang suliran sa ginadiling drugas suliran natong tanan ug dili lang sa gobiyerno o sa pamilya nga hingtungdan.
Kini ang gipamulong ni Mayor Raymond Alvin Garcia atol sa gipahigayong kick-off parade sa pagsaulog sa dakbayan sa Sugbo sa “Drug Abuse Prevention and Control Week” sa Plaza Sugbo atubangan sa Cebu City Hall Legislative Building kagahapon adlawa, Nobiyembre 18, 2024.
Ang kalihokan gisalmotan sa nagkalainlaing mga barangay sa dakbayan sa Sugbo.
Gisulti ni Mayor Garcia atol sa kalihokan nga kitang tanan, ang atong katilingban, ang mahulga kung may presensiya sa guinadiling drugas sa komunidad ug dili ang pipila lang.
“Let us continue hand in hand, not only the Cebu City Government, everybody, including other agencies, national agencies of government, so that we can fight this menace and together we can create an environment where everyone, especially our young people, can thrive and realize their fullest potentional,” pulong pa sa mayor.
“Let us be one in making people aware of drug abuse. Let us be one in fighting this menace to our society,” dugang niya.
Gipasalig sa mayor nga kanunay magpaluyo ang Kagamhanan sa Dakbayan sa Sugbo sa mga programa batok sa ginadiling drugas, sama sa gibuhat karon sa Cebu City Office for Substance Abuse Prevention (COSAP).
Atol sab sa programa, gitunol ni Mayor Garcia ug ni COSAP Executive Director Jonah John Rodriguez ang “Certificate of Recognition” ngadto sa mga ahensya sa gobiyerno nga nakatabang sa programa sa Kagamahanan pagtubag sa suliran sa drugas sa atong siyudad.
Gipasalamatan ni Mayor Garcia ug ni Rodriguez ang nasudnong mga ahensiya sa Philippine Drug Enforcement Agency, Department of Health, Deparment of Interior and Local Government, ug Philippine National Police; ang Department of Social Welfare and Services sa City Hall; ug mga opisyal sa mga barangay nga dako og natabang sa pagsulbad sa suliran sa ginadiling drugas. (Renante Socia Lada)
(Source: Cebu City PIO)