Gipakusog sa Cebu City Police Office (CCPO) ang ilang nightly patrol ug pagpatuman sa mga lokal nga ordinansa aron mapadayon ang kalinaw ug kahapsay sa Cebu City.
Ubos sa pagpangulo ni PCOL Ricky C. Sumalde, Acting City Director sa CCPO, gipahigayon ang Oplan Bulabog gikan alas-10 sa ksgabii Septiyembre 18 hangtod alas-2 sa kadlawon karong Septiyembre 19, 2026.
Sa operasyon, 68 ka police operations ang gihimo ug mikabat sa 348 ka tawo ang nadakpan o naabtan sa pagpatuman sa ordinansa. Sa maong gidaghanon, 125 ang gipamulta samtang 223 ang gipasidan-an ug gipagawas. Mikabat usab sa 136,500 pesos ang nakolektang penalties.
Lakip sa mga natala nga paglapas ang 57 ka kaso sa pag-inom og alkohol, 48 sa pagpanigarilyo, 42 sa paglaag nga walay sinina sa ibabaw, 67 ka menor de edad nga nasakpan tungod sa paglapas sa curfew, 10 ka kaso nga may kalabotan sa karaoke, ug 123 ka traffic ordinance violations. Aduna usab usa ka laing paglapas sa lokal nga ordinansa.
Matud sa CCPO, padayon ang ilang pagtinabangay uban sa Barangay Tanods pinaagi sa regular nga nightly patrols ug patas ug subay sa balaod nga pagpatuman sa mga ordinansa aron mapadayon ang seguridad, kalinaw ug kahapsay sa mga komunidad sa Cebu City.
📸 CCPO
I via Renante Socia Lada