- Advertisement -
Naglutaw nga wala nay kinabuhi ang usa ka butanding nga napalgan didto sa Aguisan Port, siyudad sa Himamaylan, Negros Occidental, niadtong Miyerkules sa buntag, Abril 17, 2024.
Unang nakit-an ang maong butanding sa mga residenti sa maong lugar anang kadlawon.
Sa pag respondi sa mga sakop sa Bureau of Fisheries and Aquatic Resources (BFAR) ug Environment and Natural Resources Office (ENRO) ila kini gitabangan pabalik sa lawod.
Matod sa mga nakakita nga pag labay sa pipila ka oras naglutaw na kini nga gituhuang wala nay kinabuhi.
Ang mga hingtungdang ahensya padayong nag inbestigar sa maong panghitabo ug ila usab sutaon kung unsay gikamatayn sa maong butanding. (Renante Lada)
- Advertisement -
