Usa ka Bus ug SUV nagdasmag pasado alas 11:20 sa buntag, Nobyembre 3, 2024, didto sa National Highway, Barangay Daanlungsod, lungsod sa Alcoy, Sugbo.
Ang Bus gimaniho ni Domengo Amarello Alegado, 38-anyos ug nagpuyo kini sa Barangay Quiot Pardo, siyudad sa Sugbo.
Giila usab ang nagmaniho sa SUV nga mao si Roy Miranda Alvizo, 59-anyos, minyo, ug nagpuyo sa Barangy Poblacion, lungsod sa Argao,Sugbo.
Sa imbestigasyon sa Alcoy Police Station nasayran nga ang duha ka mga sakyanan nagbiyahi sa managlahing direksiyon diin sa pag abot na sa naasoy nga lugar ang SUV nikawat sa pikas linya na maoy hinugdan nga nibangga kini sa bus nga iyang gikasugat.
Nigawas usab sa imbestigasyon nga posibling nakatulog ang draber SUV nga mao si Alvizo.
Daling ni respondi ang mga sakop sa Municipal Disaster Risk Reduction and Management Office sa maong aksidenti diin gitabang dayon ang mga naangol. (Renante Lada and Ting Joe Pepito)