Sa Enero 10, 2025, mga alas 6:00 sa gabii, usa ka 67-anyos nga real estate broker nga adunay babsagon nga “Lopez-Reynes” (tibuok pangalan gipugngan) ang namatay human niambak gikan sa ika-34 nga andana sa usa ka high-end nga condominium sa Cardinal Rosales Avenue, Barangay Mabolo, Cebu City, atbang sa Landers Superstore.
Ang maong panghitabo nakapakurat sa daghang mga tawo ug mga sakyanan nga nangagi sa maong dapit, nga usa ka komersyal nga lugar.
Si Jovie Pagobo Inhog, usa ka security guard nga nag-duty sa maong establisemento, nakadungog og kusog nga paglagubo gikan sa ibabaw nga bahin sa condo ug nakakita sa lawas sa biktima.
Nakabsan gtud diha-diha dayon ang biktima sa iyang kinabuhi tungod sa kataas sa iyang gi ambakan nga condominium.
Ang kapolisan sa Mabolo Police Station nagpadayon sa ilang imbestigasyon aron masuta kung adunay bay foul play sa maong insidente.
Gikontak na nila ang pamilya sa biktima aron masuta ang posibleng hinungdan sa panghitabo.
Gisusi usab sa mga imbestigador ang mga CCTV footage aron makuha ang dugang detalye bahin sa insidente. (Renante Socia Lada)