Patay ang usa ka babaye human kini pusila sa ulo sa Sitio Luan-luan, Barangay Poblacion 1, Carcar City, pasado alas-7:00 sa buntag, Marso 27, 2025.
Ang biktima giila nga si Yessha Enad Sato, 28-anyos, residente sa maong dapit. Matod sa imbestigasyon sa Carcar City Police, nakasaksi ang usa ka lalaki nga si John nga mao mismo ang nakakita sa pagpamusil sa biktima.
Sa gilusad nga hot pursuit operation, nadakpan ang duha ka suspetsado nga sila si Alberto Aguilar Diez, 39-anyos, nga taga Sitio Kapusuan, Barangay Poblacion, Sibonga, ug si Aljune Sonsona Serenio, 35-anyos, nga taga Sitio Tapon, Barangay Napo, Carcar City.
Sumala sa pasiunang imbestigasyon, utang ang gituohang motibo sa maong pagpamusil nga matud pa wala mibayad ang biktima sa utang niini.
Padayon ang imbestigasyon sa kapulisan ug giandam ang tukmang kaso nga ipasaka batok sa mga nadakpan. (Renante Socia Lada)