Nagbuy-od ug wala nay mga kinabuhi ang magtiayon sulod sa usa ka payag sa Purok Buongon, Brgy. Canagahan, San Remegio, Probinsya sa Sugbo, kagahapon adlaw’ng Miyerkules, Agusto 7, 2024.
Ang magtiayon nga wala nay kinabuhi mao sila si Remedios Sibay, 59-anyos ug Julito Sibay, 61-anyos ug residente sa nasampit nga lugar.
Sa imbestigasyon sa kapulisan, napalgan sa anak ang iyang mga ginikanan nga nagbuy-od ug naglunang sa dugo sulod sa payag nga wa nay kinabuhi, ug nakit-an usab ang armas de fuego sa salog.
Matod usab sa mga silingan, sa wala pa nahitabo ang pagpamusil nag-away una ang magtiayon tungod sa kwarta ug bayranan sa utang, pipila ka mga minuto mao na lang ang ilang nadunggan ang tulo ka buto sa armas. Gituohan nga gipusil sa bana ang iyang asawa sa wala pa unang ug kutlo sa iyang kaugalingon.
Gisuwayan pagdala sa tambalan ang duha apan gideklarar kini sa mga doctor nga dead-on-arrival.
Matud usab sa anak, nga kanunay mag-away ang ilang ginikanan tungod sa kwarta. (Ting Joe Pepito & Renante Socia Lada)