Nadakpan sa kapulisan ang usa ka armadong suspek atol sa checkpoint operation sa Barangay Tejero, Cebu City niadtong gabii sa Agosto 21, 2026.
Ang mga personnel sa Police Station 3 sa Cebu City Police Office (CCPO), ubos sa pagdumala ni PCAPT Raymart C. Rabanes, OIC sa PS3, nagpahigayon og checkpoint nga misangpot sa pagkadakop sa suspek tungod sa paglapas sa Republic Act 10591 o Comprehensive Firearms and Ammunition Regulation Act.
Nakuha gikan sa suspek ang usa ka .22 caliber snub-nose revolver. Nadiskobrehan usab sa kapulisan nga ang suspek kaniadto nang nadakpan tungod sa paglapas sa Sections 5 ug 11, Article II sa Republic Act 9165 o Comprehensive Dangerous Drugs Act, ug RA 10591.
Gidala ang suspek uban sa nakumpiskar nga armas ngadto sa Police Station 3 alang sa hustong dokumentasyon ug legal nga proseso. Gipadayon sa CCPO ang mga checkpoint ug police visibility aron mapugngan ang ilegal nga pagdala ug pagpanag-iya og armas ug mapalig-on ang kalinaw ug seguridad sa Cebu City.
📸 CCPO
I via Renante Socia Lada