Naila na sa taga Philippine Coast Guard 7 ang 6 ka mga nangamatay sa nahitabong pagkasunog sa usa ka panagatan.
Ang mga nakalas naila nga sila si Boyboy Bacolod, 29; Ariel Codilla, 37; Jonathan Sullano, 34; Onjing Conel, 41; Dominic Cleret, 18 ug Joseph Sullano, 29.
Ang F/B CA King Bryan masunog pasado alas 8:00 sa gabii, Hunyo 5, 2024, didto sa kadagatan sa dakbayan sa Naga Sugbo.
Ang maong panagatan aduna kini mga sakay nga 12 ka mga tawo diin ang laing unom naluwas sa PCG-7 atol sa ilang pagrespondi sa maong lugar.
Nasayran nga F/B CA King Bryan, gikan sa Cawayan Masbate nga nanagat, wala dayon sila kauli kay nadautan sa makita.
Wala nila damha nga sa pag-ayo na nila sa makina nibuto kini og ang mga mekaniko nga nag ayo atong higayuna maoy na grabihan ug nangamatay sa pagbuto niini. (Renante Socia Lada and Ting Joe Pepito)