Puno sa kamaya ug kalipay sa 59 ka mga parisan nga bag-ong gikasal sa simbahan sa dakbayan sa Mandaue kay nakapahimulos silang tanan sa libre nga kasal.
Gipahigayon ang seremonya sa kasal didto sa National Shrine of St. Joseph, kagahapong adlawa, Decembre 7,2022.
Usa kini ka tabang sa taga Mandaue Incorporated (TMI) sa buot mabugkos sa kaminyuon.
Gipaluyuhan kini sa kagamhanan sa dakbayan sa Mandaue diin libre ang taban lakip ang bongga nga reception sa kasal didto sa Mandaue City Sports Complex.
Si Most Reverend Midyphil Bermejo Billones, STh. D, D.D. maoy ni celebranti sa maong kasal.
Mensahi sa maayong kaugmaon ug grasya ang gipaabot ni Mandaue City Mayor Jonas Cortes. (Renante Lada, photo courtesy of Mandaue City PIO)