Nikutlo og upat ka mga kinabuhi ang nahitabong sunog didto sa Sitio Santa Lucia, Barangay Tinago, dakbayan sa Sugbo.
Ang alarma sa sunog nadawat sa kabomberohan pasado 1:43 sa kadalawon, Pebrero 27, 2024, nasaka kini hangtod sa ikaupat na alarma pagka alas 2:43 sa kadalawon.
Si SFO3 Wendell Villanueva, Inbestigador sa Cebu City Fire Station nibutyag na nikabat sa upat ka tawo ang nakalas sa maong sunog.
Aduna pud kini danyos na kapin sa P7 milyon pesos, samtang sa pasiunang taho niabot sa 41 ka mga balay ang naugdaw ug 50 ka mga pamilya ang apiktado.
Nagpadayon pa hangtod karon ang inbestigasyon kung unsay hinungdan sa maong sunog na nikutlo og mga kinabuhi.
Gipahiluna na usab karon sa Tinago Gym ug gihimo na usab ang profiling sa mga biktima sa sunog. (Renante Lada, photo credits to the owner)