Padayon ang kampanya batok sa ilegal nga drogas sa Cebu City Police Office ubos sa pagpangulo ni PCOL George V Ylanan aron mapadayon ang kalinaw ug kahapsay sa komunidad.
Sa report sa Mabolo Police Station, nadakpan ang tulo ka suspek atol sa nagkadaiyang buy-bust operations nga gihimo sa gabii sa Abril 16, 2026 sa Barangay Mabolo.
Ang operasyon gipangulohan ni PLT Regalado Capili Dela Victoria ubos sa direktang pagdumala ni PMAJ Eric Cabuslay Gingoyon, uban sa koordinasyon sa Philippine Drug Enforcement Agency.
Nasakpan ang mga suspek nga nagdala og gituohang shabu sa panahon sa operasyon. Sa kinatibuk-an, narekober sa kapulisan ang siyam (9) ka sachet nga adunay gituohang shabu nga adunay gibana-banang gibug-aton nga 6.5 gramos ug kantidad nga ₱44,600.
Narekober usab ang buy-bust money nga ₱200 ug usa ka coin purse nga gigamit sa pagtago sa ilegal nga drogas.
Ang tulo ka nadakpan anaa karon sa kustodiya sa pulis samtang giandam ang kaso nga ipasaka batok kanila sa korte.
Source: CCPO
I via Renante Socia Lada