Cebu: 20 KA MGA TINUN-AN SA CTU-ASTURUAS CEBU NASUDLAN OG DAUTANG ESPIRITO

Giingong nasudlan og dautang espiritu ang kapin 20 ka mga tinun-an sa Cebu Technological University (CTU)-Asturias Campus niadtong Disyembre 2, 2024. Tungod niini, gipahigayon dayon ang healing ug exorcism aron matabangan ang mga biktima.

Ang mga apektadong estudyante sa Mary’s Little Children Community Mission Chapel sa Barangay Arpili, Balamban, nga silingang lungsod sa Asturias gi tabangan ni Fr. Roy Cabradilla na maoy ni exorcism ug ni bendisyon sa mga tinun-an.

Samtang nagpadayon ang Santos nga Misa, ang kadaghanan sa mga estudyante nikalma. Bisan pa adunay usa nga naghilak ug wala na komportable, giatiman kini sa iyang pamilya ug giila nga adunay gipamati sa lawas. Wala kini gikalisang sa mga opisyal sa simbahan.

Human sa maong seremonya, nakapauli na ang mga tinun-an ngadto sa ilang tagsa-tagsa ka pamilya.

Kanunay nag awhag ang kaparian na mag ampo aron dili madutlan sa dautang espirito.

I via Renante Socia Lada