Nadakpan ang duha ka indibidwal ug narekober ang tulo ka sakyanan atol sa gipatuman nga regionwide One Time Big Time (OTBT) operasyon sa Philippine National Police–Highway Patrol Group (PNP-HPG) niadtong Septyembre 11, 2025 sa Lapu-Lapu City ug Cebu City.
Nagsugod ang operasyon human sa reklamo sa usa ka representante sa usa ka transport company nga nakabase sa Cebu, nga mitaho nga tulo sa ilang gipa-abangan nga sakyanan wala na gipangbalik bisan pa sa ilang balik-balik nga follow-up.
Unang nadakpan ang usa ka 24-anyos nga lalaki taga Lapu-Lapu City samtang nagmaneho og Toyota Innova (2024, Plate No. GBC 1095) nga wala na giuli sukad Agosto 7, 2025. Sunod nga nadakpan ang usa ka 55-anyos nga lalaki taga southern Cebu nga nagmaneho usab og Toyota Innova (2024, Plate No. GBA 7736), nga wala na gipabalik sukad Agosto 29, 2025.
Apan, ang kaso batok kaniya wala na ipadayon human sila nagka-areglo sa complainant. Sa laing operasyon, mga alas 4:15 sa hapon, narekober sa kapulisan ang usa ka Toyota Vios (2023, Plate No. GAK 4871) sa V. Rama Avenue, Cebu City.
Ang awto gidala sa usa ka 48-anyos nga taga northern Cebu nga wala usab makabalik sa kompanya sukad pa sa Agosto 24, 2025. Giandam na sa kapulisan ang kasong paglapas sa RA 10883 o New Anti-Carnapping Act of 2016 batok sa mga nadakpan depende sa makolektang ebidensiya. Ang mga nasakmit nga sakyanan gidala sa buhatan alang sa hustong dokumentasyon ug disposisyon.
Source: HPG-7
I via Renante Socia Lada