28.8 C
Manila
Wednesday, April 24, 2024

Cebu: 150 ka mga batang PWD sa kabukiran sa dakbayan sa Sugbo nakadawat og gasa gikan sa kagamhanan sa siyudad sa Sugbo

- Advertisement -

Kalipay ug kamaya ang gibati sa mga Person with Disability (PWD) human nila nadawat ang mga gasa gikan sa kagamhanan sa dakbayan sa Sugbo.

Nikabat og 15O ka mga benipisiyari nga PWD ang nagtapuk didto sa Barangay Lusaran,bukirang Brgy.sa siyudad sa Sugbo, kagahapong adlawa, Decembre 9,2022.

Gikan sila sa walo ka mga Barangay nga nagkahiusa sa maong lugar aron hatagan og pinaskuhan.

Nagagikan sila sa mga barangay sa Adlaon, Cambinocot, Guba, Lusaran, Mabini, Paril, Tabunan, ug Tagbao.

Segon ni Jocelyn Llesol, presidente sa Cebu City PWD Federation ubos sa buhatan sa Department of Social Welfare and Services (DSWS), tuyo nga gimugna ang “Hudyaka sa Bukid sa mga PWD” aron sab makabati sa kalipay sa Pasko ang mga bata nga PWD sa bukid.

“Ang bata gud nga PWD wala gyud maapil sa Children’s Congress. Nasakitan ko ba kay gamay ra ang kalipay sa mga PWD, mao na amo lang gisaka dinhi. Manghinaot ko nga ugma opening sa ‘Pasko sa Uptown’ maayo unta among gipangandoy nga maapil atong mga PWD didto sa ubos,” dugang niya.

Gitakda nga sobra sa 4,000 ka mga bata gikan sa 80 ka mga barangay sa dakbayan ang hatagan og pinaskohan sa mga tigpasiugda sa “Pasko sa Uptown” adto sa Cebu City Sports Center.

Gilauman nga daghan pa nga oinaskuhan ang madawat sa mga kabataan labi na sa PWD sa dakbayan sa Sugbo ubos usab kininsa paningkamot ni Cebu City Mayor Michael Rama. (Renante Lada)

(News & photo courtesy of Cebu City News and Information)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -