Kauban ni City Councilors Renato “Junjun” Osmena, Jr. ug Edgardo “Jaypee” Labella II, si Acting Mayor Raymond Alvin Garcia nisusi kagahapong adlawa, Agosto 19, 2024, usa ka modelo sa usa ka transitional housing unit.
Magsilbi kini nga kapuy-an sa mga residente nga nawad-an og pinuy-anan tungod sa sunog ug uban pang katalagman, ingon man kadtong naapektuhan sa pagpatuman sa three-meter easement sa mga sapa ug ubang agianan sa tubig sa dakbayan sa Sugbo.
Sa flag-raising ceremony karong adlawa, niingon si Acting Mayor Garcia nga moabot sa 1,000 sa maong mga units ang magamit nga mga residente nga nawad-an og kapuy-an tungod sa natural nga kalamidad. Aduna kini sukod nga floor area nga 14 square meters, kining transitional housing units, nga gihulagway ni Acting Mayor Garcia nga “high tech”, adunay solar panels aron makunhuran ang gasto sa kuryente sa mga okupante. (Renante Socia Lada)
(Source: Cebu City PIO)