29.8 C
Manila
Thursday, March 28, 2024

CDRRMO Bong Dacera gipatawag sa SP, human sa sunog sa Gmall Gensan

- Advertisement -

SP News,  gigisa sa mga konsehal sa syudad sa Gensan si Mr.  Bong Dacera ang  labaw sa city Disaster Risk Reduction and Management Office sa LGU Gensan tungod sa dili maayong panghitabo atol sa pgkasunog sa Gaisano Mall.  Wala matud pay klarong mga fire hydrants nga kakuhaan ug tubig sa mga bombero atol sa maong sunog.  Tubag ni Mr.  dacera mao nga pipila lamang ka mga fire hydtants ang available.  Hinuon gisugyot niini nga pangutan-on usab ang mga opisyal  sa GSC water district  nga maoy nag provide sa maong mga fite hydrants nga magamit panahon sa emergency susama sa sunog.  Samtang gitubag usab ni Dacera ang pangutana sa media nganung nadeklara nga fireout apan nasunog pag usab,  matud pa niini nga dili layo ang pagdelaab sa kalayo bisan pa nga fireout na kay gi obserbahan pa ang temperature hinungdan nga wala biyai ang fire scene.  Gipasalamatan ug gihatagan ug Certificate of Appreciation sa SP ang tanan mga reponders gikan sa Bureau of Fire Protection ug mga private fire volunteers atol sa  maong session. Samtang gapadayon usab ang gimugna nga help desk sa LGU-Gensan aron motabang sa mga empleyado nga nawad an ug trabaho human sa maong sunog sa GMall.  Matud pa ni Rebecca Magante ang CSWDO nga mikabat sa 1,094 ka mga empleyado sa gaisano nga adunay 2,200 ka mga dependents ang tabangan.  Magpahigayon ug Job Placements  ang LGU Gensan ug DOLE kon Department of Labor and Employment aron hatagan ug prioridad ang nawad an ug trabaho tungod sa pagka sunog sa Gmall.  Nag offer usab matud pa ang KCCMmall ug trabaho kabahin niini.

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -