Usa ka Candidate’s Briefing, Interfaith Rally, Peace Covenant Signing, and Unity Walk ang gihimo sa NAMFREL kon National Citizen’s Movement for Free Election nga gipanguluhan sa chairman niini nga si Nestor Mesias Banuag Jr. sa Xavier University diri sa dakbayan sa Cagayan de Oro gahapong adlawa, Myerkules, Marso 26 ning tuiga.
Tumong sa maong tapok ug kalihokan mao ang paghatag kalinaw ug panaghiusa ngadto sa tanang mga kandidato nga nagpapili alang sa 2025 midterm election.
Una nang giingon ni Banaag nga ang maong inisyatiba, usa lamang kini sa mga lakang nga gihimo sa ilang organisasyon aron sa pag-ila sa mga nagpapili sa eleksyon.
Supportado usab sa Commision on Election kon COMELEC ang maong lakang, diin mipadayag sa iyang pasalamat si CDO City Comelec Officer Ramil Acol.
Lakip sa mga mitambong sa maong Unity Walk ang alyansa sa 1 Kagay-an kauban ang katawhan nga gihuptan ni Incumbent Mayor Rolando Uy, Vice mayor Jocelyn Rodriguez, ug Congressman sa segundo distrito nga si Rufus Rodriguez, mga kaatabang niini nga hugpong sa Padayon Pilipino ubos sa liderato ni 1st District Cong. Lordan Suan ug kanhi Mayor Oscar Moreno, anaa usab ang presensya sa mga independeting kandidato sama nila ni Kanhi Phividec Administrator ug Tourism Under secretary Pompee La Vina ug mga independent candidate nga mga konsehal.