Gituki noong Hulyo 27, atol sa gipahigayon nga 5th Inter-office conference on City Volunteerism and Active Citizenship kauban ang nagkadaiyang departamento sa city hall, inter-frat and sorority council ug uban pang volunteer groups ang mga kalamboan sa giduso nga ‘volunteerism ordinance’.
Lakip sa nahisgutan ang mga plano nga kalihukan sa diwa sa bolunterismo ug bayanihan uban sa hugot nga suporta sa ubang grupo sama na lang sa libreng sakay, bloodletting activity ug mga aktibidades naglambigit pagprotektar sa kinaiyahan.
Dako ang pasalamat ni Mr. Alain Roy Romero, City Volunteerism Focal Person sa Office for Community Affairs – Volunteerism & Active Citizenship program sa hugot nga suporta ni Mayor Rolando ‘Klarex’ Uy ug sa City Council aron sa hingpit mapalabang ang ordinansa sa bolunterismo nga kasamtangang gituki na sa committee level sa konseho.
(News & photo courtesy by Cheleste Simene)