Pormal nang milagda sa Memorandum of Agreement (MOA) ang LGU-CDO ug House of Hope Foundation, Inc. kalabot sa pagpadayon sa operasyon sa House of Hope Custodial Psychiatric Care Facility, Mayo 19, diha sa Cronin Hall, Cathedral compound, ning siyudad aron makatabang sa insaktong pag-atiman sa mga mentally challenged clients.
Mipirma sa MOA signing sila si Atty. Chit Leonelle Isaiah R. Bañas, kinsa mirepresentar ni Mayor Klarex Uy; Msgr. Jose Alan P. Pulgo, SSJV kinsa Chairperson sa Board of Trustees ug gisaksihan ni Arsobispo, Most. Rev Jose A. Cabantan, DD ug J.R. Borja General Hospital Overseer Dr. Ferdinand Miranda.
Ubos sa MOA, mohatag ang LGU-CDO og annual financial assistance nga balor P3 million (P3,000,000.00); tugotan ang Missionary Congregation of Mary (MCM Sisters) nga magpadayon og gamit sa ilang kombento nga anaa nahimutang sulod sa House of Hope Custodial Psychiatric Care Facility compound aron makapadayon sa ilang apostolic ug missionary duties, ug paghatag og mga personnel nga moatiman sa mga kliyente sa J.R. Borja General Hospital.
Usa sa mga lakang nga nahimo sa LGU-CDO ang City Ordinance No. 14297-2022 kon “Mental Health Code of the City of Cagayan de Oro”, diin lakip niini ang House of Hope Psychiatric Custodial Facility.
(News and photo courtesy of CIO CDO)