34.5 C
Manila
Monday, April 15, 2024

Cagayan de Oro: Seguridad alang sa kasaulogan sa Black Nazarene, gihan-ay na

- Advertisement -

Alayon sa kasaulogan sa kapistahan sa Itom nga Nazareno o Black Nazarene karong Enero 9, gipahimangnoan sa kagamhanang lokal ubos sa administrasyon ni Mayor Rolando “Klarex” Uy pinaagi sa City Health Office ang pagtuman ug pagsunod sa minimum public health standards atol sa procession ug Traslacion.

Ang maong kasaulogan, bisan pa man og relihiyoso kini nga kalihukan ubos sa Archdiocese of Cagayan de Oro ug Nazareno Parish, apan anaa usab ang pag-abag, koordinasyon ug kooperasyon sa syudad ilabina sa pagpatuman sa kahapsay, seguridad ug kalinaw sa kapistahan.

Subay niini, gihangyo ni Mayor Klarex pinaagi sa City Health Office nga dili na lamang mosalmot ang mga adunay gibati sama sa ubo, sip-on ug hilanat ug kadtong mga adunay kabilinggan sa lawas apan padayon lang gihapon ang pag-ampo sa ilang tagsa-tagsa ka panimalay aron sa ingon dili makatakod ug dili usab matakdan sa mga sakit ug sa COVID 19.

Sa gipahigayong coordination meeting uban sa parokya sa Nazareno, laumang adunay mga personahe sa kapolisan, kasundalohan, Bureau of Fire, CDRRMD ug Roads and Traffic Administration alang sa road closures.

(Source: Cagayan de Oro City Information Office, photo courtesy of Rod Constantino)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -