Lunod karong panahuna sa tubig baha ang pipila ka lugar sa mindanao. Naguba ang pjpil ka mga panimalay sa managlahing Brgy. sa Lungsod sa Talisayan ug Balingoan Misamis Oriental nga doul sa kababyonan human mihapak ang kusog nga ulan ug hangin sa Amihang Mindanao sabado sa gabii besperas sa Pasko.
Gawas sa mga balay nga naguba, lakip usab nga nahugno ug nalubog sa tubig ang usa ka kan-anan nga PAASA seafoods diin naila isip usa ka floating restaurant sa nasampit nga Lungsod.
Hisayran nga Sabado sa gabii mihapak ang usa kusog nga ulan nga may dalang hangin sa Pipila ka bahin sa Mindanao.
Gawas sa mga nasampit nga lungsod, lakip na usab ang syudad sa Gingoog diin anaa karon sa State of Calamity. Sa pagkakaron, sirado usab ug dili pa maagian ang dalan nga nagsubay sa syudad padulong Claveria to Villanueva tungod sa pagkahugno sa yuta kon landslide sa usa ka dapit niini ug hiaghat ang tanan nga muagi sa Butuan to Cagayan de Oro Road.
Samtang apektado usab ang Probinsya sa Misamis Occidental diin matud pa sa taho nga halos mulapas na sa tao ang tubig sa pipila ka lugar sa nasampit nga probinsya nga aduna matud pay usa patay ug usa nakuryentehan didto sa lanao del norte.
Sa laing bahin didto sa dakbayan sa iligan usa usab ka balay ang natumbahan sa punoan sa lubi, walay naigo nga indibidwal sa maong incidente. (Cheleste Simene, photo credits to the owner)